Uuliaarluernerujussuaq suli ajornartorsiortitsivoq
Mexicop imartaani uuliaarluernerujussuaq suli ajornartorsiutaajuarsinnarpoq.
Uuliaarluerfiusup maqisoorfiata ullumikkut milinneqarsinnaanissaa, uuliasiortitseqatigiiffimmit BP-mit neriuutigineqarpoq.
Allattoq Bikki P. Kleist
maajip 03-at 2010 13:45
Taamaattoq uulia amerikap sineriaanut siaruaakkiartuinnartoq, DR-p Louisianami aallartitaa Claus Fahrendorf nalunaarpoq.
Immap naqqani qilleriffiusut pingasut ilaat maqisoortoq maanna ilungersuullugu milinniarsarineqarpoq.
Qillerifiit marluk maqisoornissaat ajornartorsiutaaleratarsinnaavoq qilleriffiusut taakku maqisoornaveersaatitaqanngimmata.
Mexicop imartaani uliaarluernerujussuarmik saliinissamut BP akisussaalluinnartoq, uuliasiortitseqatigiiffiup pisortaa ullumi oqarpoq.
