Uuliaarluernermit timmissat eqqugaasut siulliit
Pelikaanit timmissat timmiit timmissallu allat uuliatersimasut siulliit naammattoorneqarput.
Timmissat uuliaterneqarsimasut Louisianap avataani qeqertani naammattoorneqarput qeqertat taakkua amerikap sineriaani uuliap maqisoorneranit eqqugaasut siullersaaraat.
Amerikami avatangiisinut ministereqarfiup nalunarutai malillugit timmisat allat eqqugaasimanngillat, qeqertat Cenadeleur inunnit najugaqarfigineqanngilaq qeqertat taakkua nalinginnaasumik tikinneqaqqusaanngillat illersugaagamik.
Mexicop imaartaani uuliasiorfik apriilip ulluisa 22-ani qaartoorluni ajutoormat uulisiortut 22-it ajunaarput.
Qaartoornerup kingorna ullut ikittunnguit qaangiummata uuliasiorfik immamut kivivoq uuulialu milliuuninik literinik annertussuseqartoq immamut maqilluni. Uuliasiorfiup uuliamik maqitsinera uuliasiornermi ajutoornerit annertunersarisinnavaat.
