Uulia suli assortuussutaavoq

Kalaallit Nunaata imartaani uuliamik annertuumik nassaartoqassagaluarpat aningaasat isertitassat Danmarkip Kalaallit Nunaatalu avissagaat Danmarkimi innuttaasut 60 procentii isumaqarput. Nutaarsiassaqartitsiviup Ritzau’s Bureau-p suliffeqarfik Catinét misissuitissimavaa, misissuinermilu danskit amerlanerussuteqartut isumaat tassa taama erserpoq.

Danmarkip Kalaallit Nunaatalu aningaasanik isertitanik amerlaqatigiinnik avitseqatigiinnissaanik isumaqartut pingasoriaammik amerlanerupput, tassami aningaasat tamarmik Kalaallit Nunaannut tunnissaannik isumaqartut 20 procentiummata. Sinneqartoorutit tamaasa Danmarkimut tunnissaat 9 procentit missaannaasa kissaatigaat.

Apeqqut Namminersorneq pillugu Isumalioqatigiissitamiippoq, Kalaallit Nunaata siunissami aningaasaqarnissaa pillugu Namminersorneq pillugu Isumalioqatigiissitaq siunnersuummik ungasinngitsukkut saqqummiissaaq. Maannamut imaassimavoq aningaasat uuliamit isertitat tamaasa Kalaallit Nunaata tigummissagai, kisianni Danmarkimit ataatsimoortumik tapiissutit ikiliartuaartinneqassasut.

Misissuinermi inuit qinikkat 18-ileereersimasut 1164-it oqarasuaatikkut apersorneqarsimapput.