Uulia gassilu annertooq Kalaallit Nunaata imartaani
Uulia suli nassaarineqanngitsoq Kalaallit Nunaata kitaani qaasuitsup avannaani taamatullu tunup avannaani nassaarineqarsinnaasoq ujarassiuut misussuinerannit ilimagineqarpoq.
Nunarsuarmi tamarmi gassip 30 procentia issittumi nassaarineqarsinnaasoq ilisimatuut isumaqarput.
USA-mi ujarassiuut Danmarkimi aammalu Kalaallit Nunaanni ujarassiuut suleqatigalugit misissuinerannit paasisat ilisimatuussutsikkut aviisimi qaammammut saqqummersartumi Science-imi uani qaammami saqqummiunneqarput.
Ilisimatuut oqarnerat naapertorlugu uulia gassilu Kalaallit Nunaata kitaata imartaani immami 500 meterinik ititigisumi nassaarineqarsinnaapput.
Kalaalllit Nunaata kitaani gassi Ruslandimi nassaarineqarsinnaasumit annertunerusoq oqaatigineqarpoq.
Qalasersuup naalagaaffimmit sorlermit oqartussaaffigineqarnerata assortuussitigineqarnera sakkkortusinerujumaartoq naatsorsuutigineqarpoq, uulia gasillu issittumi nassaarineqarpat.
