Uulia akitsorujussuarpoq - aatsaat taama akisutigilerluni

Kangia Qiterlermi eqqissiviilliorneq pissutigalugu uuliap akia unnuaq qaffarujussuarpoq, nappartamut 91,10 dollareqalerluni.
oktobarip 26-at 2007 06:18

Uuliap nappartamut akia aatsaat taama qaffasitsigilerpoq. Kingusinnerulaartukkulli 91 dollari ataatilaarlugu akeqalerpoq.

Tyrkiap sakkutuullu kurderit aaqqiagiinnginnerat, taavalu amerikamiut Iranimut pillaatitut iliuusaat uuliap akitsorujussuartariaqarneranut pissutaapput.

Irakimi uuliaqarfiit amerlanersaat Irakip avannarpasissuniipput, kurderit sorsukkumatuullu PKK aamma tamaaniillutik. Tyrkerit kurderillu akerlereerujussualissagaluarpata, irakip avannarpasissuani uulialiortarneq akornuserneqassaaq, tamaammallu tassa uulia aatsaat taama akitsortigaaq.