Uulia akitsoqqippoq
Allattoq Carla Davidsen
Uuliap nunarsuatsinni akiata qaffakkaluttuinnarnera nunatsinni aamma malunniuppoq.
Gasoliap – tassa dieselip – petroliullu akii ippassamiit atuutilersumik qaffattariqarsimallugit KNI nalunaarpoq.
Diesel liiterimut 17 oorimik akitsorpoq 3 kr. 47 ooreqalerluni, petroliu taamatuttaaq 17 oorimik akitsortoq, 3 kr. 57 ooreqalerluni.
Benzinap liiterimut akia 3 kr. 52 ooriusoq allanngortinneqanngilaq.
USA-p kujataata tungaanuunerusoq augustip qaammataani qaammatillu siuliani ulussaarsuit marluk sunniutaasa kingunerisaanik uuliap akiata qaffakkiartorneranut pissutaasut, KNI-mi pisortaaneq Gerhardt Petersen oqarpoq.