Uulia sukuluiarneqanngitsoq nappartamut maanna 112 dollarinik akeqalerpoq, qaammat kingulleq akisunerpaagami 147 dollarit sinnerlugit akeqarsimalluni.
Uuliap akiata appariartuinnarnera kiattup anorersuarsuata Fay-ip ilimagisatut Mexicop kangerliumarngani uuliasiorfissuarni ajunaartitsinnginneranik peqquteqarpoq. Anorersuarsuaq taanna uuliasiorfissuit avaqqullugit Floridap kujammut-kimmut sineriaanut saqisimalerpoq, sakkukilliartornerarneqarluni.
Danmarkimi orsussat akii aqagumiit qaffassapput.
Dieseli liiterimut 15 ørimik qaffassaaq 10 koruuni 55 øreqalerluni.
Benzina 2 øre-mik qaffalluni akikinneq 11 koruuni 01 øreqalissaaq akisuneq 11 koruuni 07 øreqalissasoq.