Ujakkaarnermi utoqqasaat arfineq marluk nunatsinniit Moskva-mi Ruslandimiittumi nunarsuarmi pissartanngorniunnermi peqataapput.
Unammeqataasut 900-t akornanni kalaallit peqataasut arfineq marluupput, arnallu angutillu peqataallutik. Arfinillit ASP Aasianneersuupput ataaserlu Maniitsumiit KS-69-imeersuulluni. Peqataasut ilaat Hans Rafaelsen ASP-meersoq peqataanerminut, pissartanngunniunnernut peqataasarneq nuannersuusoq nukissanillu tunisisarluni.
- Uagut nunatsinni ujakkaarnermik siuarsaaniarnitsinni iluaqutigisupilussuuarput. Immaqa arriillereersimaffissaraluarput, utoqqasaanut peqataasarnerput iluaqutigisarparput, Hans Rafaelsen oqarpoq.
Hans Rafaelsen unammeqqaarnermini 30 kilometerimut normu 15-inngorsimavoq peqataasut 64-t akornanni.
Unammersuarnermi 30 kilometeri, 10 kilometeri, stafet, 45 kilometerimullu friteknik unammissutigineqassapput.
Aappaagu unammersuaarnerit Italiami ingerlanneqassapput.