Allannguisoqassappat, Akileraartarnermut Atugarissaarnissamullu ataatsimiititaliarsuup sulinini 2011-mi februaarimi naammassippagu, tamanna aatsaat pisinnaasoq Isumaginninnermut naalakkersuisoq, Maliina Abelsen, Inatsisartunut ilaasortap Siumumeersup, Malik Berthelsenip, paragraf 36 naapertorlugu apeqqutaanut akissuteqaammini oqarpoq.
- Taama pisoqareerpat allannguinissaq Naalakkersuisut aatsaat eqqarsaatigilissavaat. Taamaammat Naalakkersuisut allannguinissamik maannakkorpiaq pilersaaruteqanngillat, Maliina Abelsen oqarpoq.
Pensionisiat aningaasartaat malunnaatilimmik 2007-imi qaffaavigineqarput. Utoqqalinermi pensionisiat qaffaassutissaannut killissarititaq annertusineqarluni.