Utoqqalinersiallit akiligassinneqassanngillat

Ilumoorpoq ukiuni 24-ani Nuup kommerisimasaa utoqqalinersiallit tapi annertuallaat tunniuttarsimammatigit, ombudsmandi naliliivoq:

- Taama naliliisoqarnera nuannaarutigeqaara, Kommuneqarfik Sermersuumi borgmesteri Asii Chemnitz Narup oqarpoq.

Eqqunngitsumik naatsorsuisoqarsimanera 2008-p naajartornerani oqallisaagaatsiarpoq. Inatsimmi maleruaqqussummi allassimavoq, inuit ataasiakkaat atugarisaat najoqqutaralugit tapit naatsorsorneqartassasut. Nuup kommunerisimasaatali tapit aalajagersimasut atuuttuutissimavai.

Tamatuma kingunaraa Nuup kommunerisimasaata aningaasat amerlavallaat utoqqarnut tunniunneqartarsimammatigit. Taamaattorli utoqqaat akiligassinneqassanngitsut Asii Chemnitz Narupip qulareqqunngilaa:

- Utoqqalinersiallit kukkussuteqanngillat, taama sullinneqarnertik akisussaaffiginngilaat, tassa oqaluttuaq takinerunngilaq.

Tapit kukkusumik naatsorasorneqarsimaneri paasineqarpoq, kommunerujussuanngortitsinerup kingorna. Tamatumalu kinguneraa Nuup kiommunerisimasaani najugallit utoqqalinersiaqartut tapiisa appartinneqarnerinik. Tusagassiutini pisoq malersorneqaqaaq aammalu Nuup kiommunerisimasaa kukkusimanersoq nalornisigineqalerluni. Kommunili kukkusumik iliorsimasoq ombudsmandip qularinngilaa. Pisup nalaani Asii Chemnitz Narup kommunalbestyrelsemut ilaasortaanngilaq, taannarpiarlu oqaaseqarfigisinnaanagu. Taamaattoq nuannaaruteqaa pisoq iluamik naammassineqarmat.