VIDEO Utoqqaat timersorlutik peqqissartut

Utoqqaat Nanortalimmeersut, narsameersut, Qaqortumeersut Paamiuneersullu aqqaneq-marluk ulluni sisamani timersornermik peqatigiiffilerinermillu pikkorissartinneqarput. Pikkorissarnerlu pissarsilluarfiusimasoq peqataasut ilaat oqaluttuarpoq.
- Pitsaaqaaq. Assut uummaallaataavoq. Tamatta iluaqutiginnguatsiaqaarput, Kirsten Kielsen, assammik arsaannermik K-1933-imi sungiusaasuunikoq, KNR-imut oqaluttuarpoq.
Timersoqatigiit Kattuffiata ukiuni kingullerni utoqqarnut timersornermik pikkorissaasalerpoq. Taamalliornernikkut utaqqaat peqqinnerunissaat anguniarneqarluni.
- Utoqqaat amerlanerusut peqqinnissaat anguniarlugu timigissarneq aqqutigalugu suliniuteqarpugut, Steffen Silassen, Timersoqatigiit Kattuffianneersoq, oqarpoq.
Timersoqatigiit Kattuffiuta siunertaraa sineriammi pikkorissaajartortarnissaq. Aappaagulu Aasianni utoqqarnik pikkorissaasoqassasoq kattuffiup oqaatigaa.
Qanoruup ilanngutassiaa allaaserisap qulaaniittoq takuuk.