Utoqqaat Narsami ataatsimiittut: kalaalimineerniarfiit eqqaanni qitserarneq unitsilli!

Utoqqaat Peqatigiiffiisa sinniisai 100-t sinneqartut Paamiuniit, Arsummiit, Qassimiuniit, Narsamiit, Alluitsup Paaniit, Nanortalimmiit Qaqortumiillu aggersut ataatsimeersuarnertik ualimut nal. ataatsinut Narsami uummaarissumik aallartippaat.

Peqataasut ullaaq qinoqatigiinnertalimmut ullaakkorsioqatigiipput.

Narsami Utoqqaat Peqatigiiffiata Peqqinissaqarfimmi sulisut marluk oqalugiartippai, utoqqasaanngulersut arnat angutillu atugarliuutigisartagaat, tassalu kuutsip nukissuisa qasukkariartulertarneri. Silami maangaannaq illullu iluani eqqaavinnut qitserartarneq peqqinnanngitsoq tuniluutitsisinnaasorlu oqallissutaanngaatsiarpoq. Ludvig Salomonsen Narsameersoq ima oqarpoq.

Ilaa, maangaannaq qitserarneq pingaartumik aamma inuussutissalerinermi ungasinngisaani qitserarneq, kalaalimineerniarfiit pivakka. Takananiilluni mangaannaq qitserartut soorlu aamma cigaretsikunik eqqaasut ! Aajukua saniani tunisassiat innuttaasunut.

Illit Nanortalimmiuuvutit qanoq ateqarpit?

Kristiane Dorph Nielsen.

Illit qanoq isumaqarpit, qanoq iliortariaqarpugut?

Suliffeqarfiit, meeqqeriviitt atuarfiillu erssarissumi maangaannaq qitserannginnissamik allakkiamik nivinngajassamik peqartuugunik iluaqutassagaluarppoq, kalaalimineerniarfik piinnarnagu aamma avatangiiserput eqqarsaatigalugu. Meeqqeriviillu atuarfiillu aallarniillutik illoqarfik tamaat paareqqussavaat, pingaarnerpaagamik peroriartortunut. Taava aamma imaakkami meeqqat piumamut eqqaanera, uanga aamma iluarsisariaqarsorisarakku. Nuna kusatseruttornerani…

Slut:…paaseqqunartaraluaqigami taanna.

Kingulliulluni taama oqarpoq Kristiane Dorph Nielsen, Nanortalimmiu.

Ualip sinnerani Thomas Ezekiassen utoqqarnik siunnersorteqarnermik suliani pillugit oqalugiarpoq.

Aqagu utoqqaat katerisimaarnertik nangillugu Utoqqarnut politikki Kommunerujussuanngornissarlu eqqartussavaat.