Utoqqaat marloriaatingajammik amerlissapput

Utoqqaat 65-it sinnerlugit ukiullit 2011-mi januaarip aallaqqaataani 3947-pput.  Innuttaasut qanoq amerlatiginissaannik naatsorsuinermi innuttaasut 65-it sinnerlugit ukiullit 2040-mi  marloriaatinngorsimassapput, tassa 7369-inut amerlisimassallutik, taamaasillutik atuartut amerlaqatigilersimassallugit.

Innuttaasut agguaqatigiissillugu utoqqaassusaat, ullumikkut 34-iusoq, ukiunut 36,5-nut piffissami tassani qaffassasoq Naatsorsueqqissaartarfiup saqqummersitaani kingullermi atuarneqarsinnaavoq.

Kalaallit Nunaanni innuttaasut Danmarkimi innuttaasunut naleqqiullugit suli inuusunnerussapput, ullumikkut Danmarkimi agguaqatigiissillugu utoqqaassuseq 40-t missaaniimmat.

Inuuttaasut ataatsimut amerlassusaat ukiuni 20-ni tulliuttuni ilimagisamit aallanngorarani 56.000-t missaat pallissimaannassavaat.

Inuiaqatigiinni sulisinnaasut amerlassusaat suli inuiaqatigiit amerlassusaasa affarissavaat.