Utoqqaat Illersuisuatut toqqarneqartup Helene Heilmannip, utoqqaat 1986-imili ilaatigut sullitarilerpai.Assi: Naalakkersuisut

Utoqqaat Illersuisuannik toqqaasoqartoq

Kalaallit Nunaanni ukiuni kingullerni meeqqat illersuisoqarlunilu Innarluutillit illersuisuannik peqarnikuuvoq. Naalakkersuisullu Utoqqaat Illersuisuannik maanna aamma toqqaallutik.

Utoqqaat Illersuisuattut toqqarneqarneqartoq tassaavoq 57-inik ukiulik Helene Heilmann, utoqqaat sullinneqarnerannik ukiorpassuanngortuni misilittagaqarluartoq.

Helene Heilmann, peqqissaanermut ikiortitut, peqqissaanermullu assistentitut 1986-imili sulisimavoq, napparsimmavinni, angerlarsimaffinni, utoqqaat illuini kommunillu ingerlatsiviini sulisarsimalluni.

Utoqqat 75-it sinnerlugit ukiullit Helene Heilmannimit ukiuni tallimani aamma sullinneqarsimapput, angerlarsimaffinnut pitsaaliuiartorluni suliartortarsimalluni. Tamanna pillugu utoqqaat allaffissornermi sullinneqarneranni ilisimasaqarluarluni.
Utoqqaat Illersuisuattut atorfimmut tunngatillugu immikkut iluaqutaasutut tamanna isigineqarpoq. Naalakkersuisut nittartakkaminni taama ilaatigut allaaserisaqarput.

De ældre har mange resourcer

Helene Heilmannillu Utoqqaat Illersuisuattut sulilernissani qilanaaraa:

- Utoqqaat soqutigisaasa sulissutiginissaannut qilanaarpunga.  Utoqqaat amerlaqaat inuiaqatigiit pitsaasumik atorsinnaasaannik nukissarpassuallit. Utoqqaat illersuisuattut utoqqarnik oqaloqateqartalernissara qilanaaraara, taamaalillunga soqutigisaat sulissutigilerniassagakkit sapinngisannillu ikiuullunga, Utoqqaat Illersuisortaavat Helene Heilmann oqarpoq.

AAMMA ATUARUK Suliffeqarnermi ilanngaat, mittarfissualiassat utoqqaallu illersuisuat

Helene Heilmannillu Utoqqaat Illersuisuattut toqqarneqarnera Isumaginninnermut naalakkersuisup Martha Abelsenip nuannaarutigaa:

- Inuit ilarparujussui utoqqalereerput utoqqalingajalissallutillu oqaaseqartartoqarnissaallumi taamatullu piginnaatitaaffimminnik ilitsersuussisartussamik illersuisoqarnissaat pingaaruteqarpoq, Martha Abelsen oqarpoq.

Utoqqaat Illersuisoqalernissaat Inatsisartut siorna 2019-imi ukiakkkut ataatsimiinneranni aalajangerneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat