Utoqqaat atugaat imaatigullu isumannaallisaaneq oqaluuseraat
Nunat avannarliit killiit sinnersuisoqatigiiffianni Kalaallit Nunaat, Island Savalimmiullu ilaasortaapput.
Ataatsimiinnermi nunani avannarlerni aamma nunani avannarlerni killerni politikerit immikkullu ilisimasallit katersuupput, ukiormanna ataatsimiinnermi assiginngitsut marluk oqaluuserineqassapput.
Nunani avannarlerni killerni utoqqaat najugaqarfii angerlarsimaffiilu qanoq ingerlanneqarnersut, ataatsimiinnermi qulaajarniarneqarput. Utoqqaat najugaqarfii angerlarsimaffiilu ullutsinnut naleqquttunngortunngorlugit qanoq aaqqissuunneqarsinnaanersut oqaluuserineqassapput.
Ataatsimiinnermi oqaluuserineqartussat appaaraat, silap pissusaata allanngorneranut atatillugu Atlantikup avannaani imaatigut isumannaallisaaneq, taanna nunat avannarliit siunnersuisoqatigiiffiat aamma Atlantikup avannaani suleqatigiiffik NORA suleqatigalugit oqaluuserineqassaaq.
Silap pissusaata allanngorneratigut umiarsuit takornariartaatit, nunat avannarliit imartaatigut amerlanerit angalasalissapput, taakkualu imaatigut isumannaallissaanermut angisuumik piumasaqaatitaqarlutik.
Imaatigut isumannaallisaaneq Issittumi Siunnersuisoqatigiit qaammat kingulleq Nuummi isumaqatigiissutigalugu aalajangigaat, nunat avannarliit killiit siunnersuisoqatigiiffiata ataatsmiinnerani sammineqassaaq.
Nunat avannarliit killiit siunnersuisoqatigiiffiat Reykjavikkimi tulliani ataatsimiissaaq.