Utoqqaat angerlarsimaffii pillugit pilersaarusioqqusipput
Utoqqaat angerlarsimaffii pillugit pilersaarummik tamakkiisumik Naalakkersuisut siunnersuusiussasut partiit tamangajalluinnarmik piumasaraat, Inatsisartullu upernaakkut ataatsimiinnissaat sioqqullugu pilersaarusioreertoqassasoq partiit oqariartuutigaat.
Siunnersuut Atassutikkut Inatsisartuni ilaasortaatitaannit saqqummiunneqarpoq. Utoqqartatta ajunnginnerpaamik atugassaqartitaanissaat Atassutip ilaasortaanit ujartorneqarpoq, siunnersuutilli piviusunngortinneqarsinnaanissaa imaannaanngitsuuvoq.
Utoqqarnut isumaginninneq kommunit isumagisussaavaat, kommunilli aaqqissuuteqqinneqarnissaannut tunngatillugu suliassaq oqitsuinnaanavianngilaq.
Utoqqaat angerlarsimaffii pillugit pilersaarut tamakkiisoq upernaaru piareersimassaaq, Atassutikkut oqarput, siunnersuulli taamatut isikkoqartillugu akuersaarneqarsinnaanngitsoq Naalakkersuisut oqariartuutigaat.
Pilersaarusiornissamut tunngavissaqarluarnissaq Naalakkersuisut orniginartinneruaat, tamannalu pissutigalugu suleqatigiissitamik pilersitsiniarlutik.
