Utoqqaat amerliartorput
oktobarip 03-at 2006 07:21
Utoqqaat aningaasat pisartakkatik naammaginagit Nuummi Inatsisartut ataatsimiittarfiata silataani akerliussutsiminnik ippassaq takutitsipput.
Tamannami pissutissaqarpoq.
Naatsorsueqqissaartarfimmit kisitsisit malillugit, utoqqaat 63-it sinnerlugit ukiullit 4.112-nik ullumikkut amerlassusseqarput, ukiullu qulit qaangiuppata 5.438-it missaaniilersimassasut ilimagineqarluni – tassa ullumikkumut sanilliullugit 1.326-nik amerleriarsimassangatinneqarlutik, AG ullumi saqqummersoq taama allaaserisaqarpoq.
