Utoqqaat aamma Innarluutillit siunnersuisooqatigiivi Kommuneqarfik Sermersuumi pilersinneqalersut
Interesserede kan melde ind til kommunen skriftligt eller via mail, og medlemmerne af de to råd udnævnes af kommunalbestyrelsen efter medlemmerne har gennemgået de indkomne ansøgninger.
Isumaginninneq pillugu polikitimi pitsaanerpaamik sullissinissaq pineqartillugu Kommuneqarfik Sermersuumi nutaamik eqqarsarnissaq, iliuuseqarnissaq aaqqissuussinissarlu kissaatigineqarpoq. Isumaginninneq eqqarsaatigalugu innuttaasut akisussaaqataanerat aamma innuttaasut kommunerujussuarmi ineriartortitsinermut sunniuteqarsinnaanerat siuarsarniarlugit sulivugut.
Innarluutillit pillugit siunnersuisooqatigiinni siunertat:
• Kommunip innarluutillit pillugit politikiata ilusilersorneqarnerani aaqqissuun neqarneranilu siunnersuissallutik
• Innuttaasut innarluutillit atugarisaat pillugit paasissutissat nukittorsassallugit aammalu oqallinnermut kommunimi innarluutilinnut tunngasunut
peqataassallutik
• Kommunimi innuttaasut innarluutillit aamma kommunalbestyrelsip akornanni attaveqaataassallutik
• Peqatigiiffinnik, atuisartut siunnersuisooqatigiivinnik suleqatigiinnillu kommunimi innarluutillit atugarisaannik timitaliillutik suleqataasunut suleqataassallutik
• Siunnersuisooqatigiit atuunnerminni innarluutillit namminneq aalajangiisinnaatitaanerannik, sunniuteqaqataasinnaatitaanerannik, inuiaqatigiinni
peqataasinnaatitaanerannik akuliutitinneqarsinnaatitaanerannilu aamma kommunimi innuttaasut innarluutillit sapinngisamik nalinginnaasumik qaninnerpaamik inuusinnaatitaanerannik siusarsaaqataassapput.
Utoqqaat pillugit siunnersuisooqatigiinni siunertat:
• Kommunip utoqqaat pillugit politikiata ilusilersorneqarnerani aaqqissuunneqarneranilu siunnersuissallutik
• Utoqqaat atugarisaat pillugit paasissutissat nukittorsassallugit aammalu oqallinnermut kommunimi utoqqarnut tunngasunut peqataassallutik
• Kommunimi utoqqaat aamma kommunalbestyrelsip akornanni attaveqaataassallutik
• Peqatigiiffinnik, atuisartut siunnersuisooqatigiivinnik suleqatigiinnillu kommunimi utoqqaat atugarisaannik timitaliillutik suleqataasunut suleqataassallutik
• Siunnersuisooqatigiit atuunnerminni utoqqaat namminneq aalajangiisinnaanerannik, sunniuteqaqataasinnaanerannik inuunerminnilu ataqatigiimmik tapersersorneqarnissaminnut siuarsaaqataassapput.
Qinnuteqarnermi immersugassat innuttaasunik sullissivinnut aaneqarsinnaapput.
Qinnuteqaatit uunga nassiutissavat:
TI, Kommuneqarfik Sermersooq, Postboks 1005, 3900 Nuuk, qinnuteqaat "innarluutillit siunnersuisooqatigiivi"-nik imaluunnit "utoqqaat siunnersuisooqatigiivi"-nik nalunaaqutserneqarsimassaaq. Aamma qinnuteqaatit e-mailikkut nassiunneqarsinnaapput, uunga Kommuneqarfik@sermersooq.gl.
Qinnuteqarfissaq kingulleq tassaavoq februaarip ulluisa tallimaat.
