Utoqqaanersaq toquvoq

aggustip 28-at 2006 11:00

Nunarsuatsinni utoqqaanersaq nuallulluni Ecuadorimi ullaaq toquvoq. Arnaq taanna 116-inik ukioqalerpoq.

Utoqqannguaq taanna ullormut pingasoriarluni nerisarpoq, ulloqeqqasioraangami viinni immiartorfeerannguaq iggiserisarsimavaa. Imigassamik kimittuutunngisaannarsimavoq aammagooq pujortartarani. Pania Irma nutaarsiassaqartitsivimmut AP-mut taama nalunaarpoq.

- Anaanaga nuallulinngikkallarami peqqissorujussuuvoq, ilimaginngeruttorlugulu toquvoq. 117-inik ukioqalerluni inuuissiornissaa qilanaarisorujussuugaluarparput, nunarsuarmi utoqqaanersanngoraluartup pania oqaluttuarpoq.

Maria Esther de Capovilla 1917-mi katippoq, 1949-mili uillarninngorluni, tassa ukiut 32-it aappareereerlutillu uia toqusimavoq.

Maria Esther de Capovilla tallimanik meeqqiorpoq, aqqaneq-marlunnik erngutaqarpoq, erngutaqqiutit 20-t marlunnillu erngutaqqeeqqeqqiutitaarluni.

Da Maria Ester de Capovilla inuusukkallarami qalipaasarpoq, pattattarluni nalliuttorsiortoqartillugulu qitseritusimaqaaq.