VIDEO Uteqattaarluni arpanneq meeqqat atuarfianni eqeersimaartitsisarpoq
Sisamanngornermi Qulaarpaami oqallitsitsinermi peqqinnerput sammineqarpoq.
Ulluinnarni meeqqat atuarfianni aalanerulernissaq anguniarlugu allannguisimallutik, Dorthe Bidstrup, Nuummi Kangillinguit atuarfiani pisortaq oqarpoq.
- Assersuutigalugu diktatimi arpattarput, tassa marlukkaarlutik suleqatigiillutik, aappaa arpalluni atuariartoriarluni uterluni aappaminut oqaluttuarisarpaa. Taava uteqattaartarput paarlaattarlutillu, Dorthe Bidstrup KNR-imut oqarpoq.
Meeqqat atuarfiani legepatruljemik taaneqartartoq aallartinneqarnikuuvoq, tassa anitsiarfinni meeqqat aalanerulernissaat anguniarlugu pinnguartitsineq. Assersuutigalugu arsarneq meeqqat nuannarilluarmassuk målinik pisisoqarnikuuvoq.
Aamma atuaruk Niviarsiaqqat aalanikippallaartut
Atuarnerup nalaani timip aalatittarnissaa pingaartinneqarpoq
Lauritz Heilmann, Timersoqatigiiffiit Kattuffianneersup atuarnerup nalaani timip aalatittarnissaa pingaartittorujussuuaa.
- Aalanerusaraanni ilinniakkat assigiingitsutigut timimut qaratsamullu tiguminartinnerusarpai. Ilinniarnissamut taanna pingaaruteqartorujussuuvoq, Lauritz Heilmann KNR-imut oqarpoq.
Ilinniarfissuaq suleqatiginiassallugu anguniagaasa ilagaat, Timersoqatigiiffiit Kattuffiata erseqqissaatigivaat:
- Siunertarivaa, ilinniartitsisut ilinniagaqalernerulernissai imaluunniit timersornerup silarsuaaninngaanniit assigiinngitsunik atorsinnaasanik ilinniarfigisinnaasaanik soorlu tiimini tamani, timersornermiinaanngikkaluartoq, aalanermi ilinniarnissami atorsinnaasaanik, Lauritz Heilmannip oqaatigaa.
Aamma atuaruk Genip immikkuullarissup kalaallit sukkulersittarpai
Timersorsornerup tungaatigut siunnersuutit
Timersuutinut akisuunut akissaaleqisunut Røde Korsip atornikoorniartarfia periarfissatut, Nivi Olsenip, Ilinniartitaanermut Naalakkersuisup innersuutigaa.
Akiliutit timersortarfinnut annertunngitsut oqaatigineqarpoq. Pingaarnersuinikkut anguneqarsinnaasut, Nivi Olsenip oqaatigaa.
Pinngortitarput atorlugu timerput aalatissinnaallugu oqaatigineqarpoq:
- Timersorneq aamma eqqarsaatigigaanni oqartoqarsinnaavoq, arfineq-pingasunik meeraqaruma akissaqarnangalu taava isumaqarpunga nunatsinni periarfissanik ulikkaartoq, aamma pinngortitarput atorlugu timerput aalatissinnaallugu.
Qulaarpaa tamaat uani takuuk.
