Uteqattaarisarneq nassuiaatissarsivaat
Qivittumik taamani naapitsinertik, sakkutuujugallaramik misigisatik immaqaluunniit aalisagarajussuarmik taamani pisaqangajallaramik, tamakku oqaluttuarikkajuttagaannut ilaapput.
Utoqqaalli amerlaqisut sooq taama uteqattaarisarnersut misissuinermi nutaami paasineqarpoq.
Utoqqaat uteqattaarisarnerat pillugu Torontomi Universiteti Canadami misissuisitsisimavoq, tamannalu tunngavigalugu aviisi The Telegraph allaaserisaqarpoq.
Utoqqasaat utoqqaallu oqaluttuarisartik ima ukkataritigisarpaat, inuup oqaluttuutamik oqaluttuaq siornatigut tusareersimaneraa puigortarlugu.
Taamaasisarneq taaguuteqarpoq eqqaamasaarunneq, tassa kukkullutik takorloortarpaat oqaluttuartik immaqa tassunga tusarnaartorpiannguamut oqaluttuarereerlugu.
Tassa utoqqasaanerusut inuusuttuniit eqqaamasaarunnerusarput, taamaammat oqaatsitik uteqattaartarlugit.
