Utaqqisut allattorsimaffiat utaqqisaavoq

Namminersornerullutik Oqartussat meeqqat ulloq unnuarlu inissiisarfinnut inissinneqarnissamik utaqqisut qitiusumik allattorsimaffiat ukiup aallartinneranili aallartittussaagaluaq suli kinguaattooqqavoq.

Kinguaattoorneq sulisut napparsimanerannik kiisalu Inatsisartut ataatsimiinnissaannut atatillugu piareersaateqarnernik peqquteqartoq, Namminersornerullutik Oqartussat ulloq unnuarlu inissiisarfinnut allaffeqarfiat ilisimatitsivoq.

Taamaattorli utaqqisunik qitiusumik aqutsinerup qaammammi matumani aallartissinnaanissaa neriuutigigitsik, Ilaqutariinnermut Pisortaqarfimmi atorfilik Kirsten Olesen oqarpoq.

Ulloq unnuarlu inissiisarfinnut inissinneqarnissamut utaqqisut qitiusumik allattorsimaffeqalernissaat sivisuumik utaqqineqarsimavoq, sivisuumillumi aamma piviusunngortinneqariartorsimalluni.

Ukiorpassuarni kommuneqarfiit inissiiniartut namminneerlutik ulloq unnuarlu inissiisarfinnut attaveqartariqartarsimapput inissarsiuussillutik.

Taama periuseqarneq pissutigalugu meeraqqat inissinneqartussat ilaat inissinneqarnissamut sivisuumik utaqqisariaqartarsimapput, tamatumalu saniatigut meeqqat pisariaqartitaat uniorlugit inissiisarnerit aamma ajornartorsiutaasaqalutik.

Utaqqisoqarneq qitiusumik aqunneqalerpat utaqqisut allattorsimaffiata isikkua erseqqarinnerulissaaq, tamatumalu saniatigut meeqqanut pisariaqartitaannut tulluutinngitsumik inissiisarnerit qaangerniarneqarsinnaanngussapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat