Utaqqikatattut

Qalerallit kvotalersorneqalernissaat Ilulissani qaleralinniartut utaqqikattappaat.

Ilulissani qaleralinniartut ilaat Hans Petersen utaqqikattatunut ilaavoq:

_ Eqqartorneqartualersoq qaleralinnik kvotalersuinissaq aalisartut assut utaqqivaat, tusarusuppaat, aalisartut qanoq pineqarnissaminnut sillimasorujussuupput.

Hans Petersen aalisartullumi allat suli naammagittarlutik utaqqisariaqassapput. Naalakkersuisut siulittaasuat aalisarnermuttaaq naalakkersuisuugallartoq Hans Enoksen radioaviisimut ilaatigut ima oqarpoq:

_ Suliassaq pingaaqimmat ilimaginngilara januaarip aallaqqaataani atulersinnaanera. Atulissaguni immaqa 2006-ip qiteqqunnerani atulernissaa pitsaanerpaajussaaq.

Hans Enoksen-ip ilanngullugu oqaatigaa, biologit innersuussinerat malillugu siornatigut 7900 tonsit sinnerneqassanngitsut, 2006-mili siunnersuutigaat 13000 tonsit Ilulissani sinnerneqassanngitsut. Taamaattumik kvotalersuinissap tusarniutigalugu naammassineqarnissaa pingaaruteqartoq.

Aalisartunilli siornatigut isumasiuisoqareersimavoq.

_ Kvotalersuinissaq tunngavigaluguUpernavimmiut Uummannarmiut Iluliarmiullu isumasioqarnikuupput, tusarniaaqqittoqartussaavoq, naalakkersuisut siulittaasuat aalisarnermuttaaq naalakkersuisuugallartoq Hans Enoksen radioaviisimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat