Arbeiderpartietip inuusuttaasa siulittaasuat Ina Libak, arnaq saamerleq, Utøyami sisamariarluni aallaaneqarpoq.Assi: Scanpix

Utøyami 2011-mi saassussineq eqqaaniarneqartoq

Utøyami ukiut qulingiluat matuma siornatigut saassussineq eqqaaniarneqarmat oqalugiartut ilaata oqaatigaa asissuineq akiorniarneqartariaqartoq.

Ullumi ulloq juulip ulluisa 22-at tassaavoq inorersup Anders Behring Breivikip Norgemi naalakkersuisoqarfiisa nalaanni ukiut qulingiluat matuma siornatigut qaartartumeerimmalli, Norgemilu Arbeiderpartietip inuusuttortaasa qeqertami Utøyami aasaanerani katerittuinik saassussimmalli.

Ulloq Norgemi tamani tamaani malunnartinniarneqassaaq.

Inuit 77-t Norgemi 2011-mi juulip ulluisa 22-anni toqutaasut aqqi naalakkersuisut allattoqarfiisa silataanni ullumi ullaap tungaani atuarneqarmata inuit nipangersimallutik tusarnaarput.

- Inuit inuunerisa ulorianartorsiortinneqarsinnaanerat juulip ulluisa 22-annut tunngatillugu eqqaasitsissutigineqarpoq, asissuineq akiorneqanngikkaangat kingunerisinnaasai eqqaasarpagut, Norgemi ministeriuneq Erna Solberg eqqaaniaanermi oqarpoq.

Norgemi naalakkersuisut allattoqarfiisa silataanni eqqaaniaaneq coronavirusip kingunerisaanik inunnit 50-init taamaallaat peqataaffigineqarpoq.

Arbeiderpartietip inuusuttaasa siulittaasuat Ina Libak taakkununnga ilaavoq. Taanna Utøyami 2011-mi sisamariarluni aallaaneqarpoq.

- Asissuineq inuit inuunerannik annaasaqarfiusinnaavoq, asanninnermillu, neriunnermillu ataqatiiginnermillu akiorneqassaaq, Ina Libak oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat