Angutit usummik nuuata amiatigut kipineqarsimasut – arnap angutillu atoqatigiittarneranni aids-mik tunillanneqarnissamut ungasinnerupput.
Tamanna Afrikamiunik angutinik Kenya-meersunik Uganda-meersunillu 8000-inik misissuisoqarneratigut paasineqarsimavoq.
Tassamigooq angutit usummik nuuata amiatigut kipineqarsimagaangamik cellet- tassa (uumassusillit tamanit minnersaat immini uumassuseqartuusut) aids-imik tunillanneqarnissamut navianartorsiornissaraluaq ameq kipineqarsimagaangat celle-t taakku peeruttarsimammata.
Misissuinermi paasisaq tamanna aidsi pillugu ilisimatuunit assut tupaallaatigineqarsimaqaaq, ilaatigut oqartoqarsimavoq ukiut qulit nappaassuup aids-ip ilisimatusarfigineqarnerani aatsaat taamak paasisaqartoqartigisoq.
Ilisimatuulli erseqqissaapput usuup nuuata amianik kipisisarneq nappaassuup toqussutaasartup aidsip akiorniarneranut kisimi isumalluutigineqalissanngitsoq, imaassanngimmanngooq taamatut paasisaqartoqariarmat taava usuup pooqarani atoqatigiinnissaq taava tassa ajornarunnaassasoq.
FN-imiit ilimagineqarpoq inuit 2,8 millionit 2006-ip ingerlanerani aids-imik tunillanneqareersimassasut.