Usorsitsaarutiginninneq toqumik kinguneqarpoq

Nunarsuaq tamakkerlugu isikkamik arsaalluni pissartanngorniunneq Sydafrikami ingerlanneqartoq, Tysklandimi illoqarfimmi Hannoverimi ajorluinnartumik kinguneqarpoq.
Allattoq Jaaku Lyberth
juulip 06-at 2010 09:41

Italiamiut marluk Italia nunarsuarmi tamarmi arsaalluni pissartanngorniuttarnerni amerlanerusunik ajugaasimanera imerniartarfimmi nipituuliuutigaat, tamannalu tyskip 42-inik ukiullip kamaatigaa, Hannoverimi politiit nalunaarput.

Tyskeq 42-inik ukiulik kamalluni imerniartarfimmit anivoq, kingornalu illuinnarsuummik nassarluni uterpoq, Italiamiullu marluk niaquatigut aallaallugit. Italiamiup aappaa 47-inik ukiulik aallaaneqarnermi kinguninngua toquvoq, aappaalu 49-inik ukiullik maannakkut inuunermik ulorianartorsiortoq, Hannoverimi politiit nalunaarutigaat.

Italiamiut sisamariarlutik nunarsuarmi tamarmi arsaalluni pissartanngorsimanera Italiamiut marluk nipituuliutigaat, Tyskland pingasoriaannarluni pissartanngorsimanerarlugu.

Tyskland Spanialu aqagu pissartanngorniutivinissamut unammissapput, Tyskland ajugaassagaluaruni pissartanngorniutivinnermilu ajugaagaluaruni Italiamiut pissartaasaarnerannik angussavai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq