Usha Vancep nunarput ulluni marlunni tikeraassagaa

Amerikamiut præsidentiata tulliata nulia, Usha Vancep nunatsinnut tikeraarnissaa allaffianit oqaaseqaammik maanna uppernarsarneqarpoq.

TV2 allappoq.

Taanna sisamanngornermit arfininngornermut nunatsinniissaaq, Avannaata Qimussersualu ilaatigut malinnaaffigissallugu.

- Vancep nulia aamma sinniisut oqaluttuarisaanermi sukkaniuttarnermik kalaallillu kulturiannik ataqatigiinnermillu nalliuttorsiutiginninnermik malinnaanissaminnut qilanaarput.

Aappariit erneri marluk aamma angalaqataassapput.

Taanna tikeraarnissaminut qilanaarluni aamma nunat (Kalaallit Nunaata USA-llu aaqq.) atassuteqarnerat ‘ukiuni aggersuni pitsaaneruleriartuinnarnissaa’ neriuutigalugu Instragramimi quppernermini sapaammi ualikkut allappoq.

Taanna videomi ilanngussamini ima oqarpoq:

- Meeqqakka qimussimik sukkaniunneq pillugu atuagaqarpugut, sukkaniunnermilu peqataanissamut piginnaasaqangaatsiarneq suleqatigiinnissarlu pisariaqartoq tupigusuutigaakka.