USAp Iran umiarsuarnik saassussisimasutut pisuutippaa
Iranip Yemenillu imartaani nunat iligiit sapaatip akunneri marluk qaangiuppata sakkutuuleeqataasinnaanissaannut USA neriuuteqarpoq.
USAp Iran eqimattallu Iranip ilii umiarsuarnik saassussisimasutut pisuutippai. Assilisaq: Scanpix
Allattoq Ritzau
juulip 10-at 2019 13:20
Nutserisoq Bikki P. Kleist
Iranip Yemenillu imartaani nunat iligiit sapaatip akunneri marluk qaangiuppata sakkutuuleeqataasinnaanissaannut USA neriuuteqarpoq.
Imartanimi pineqartuni Iranip allanik suleqateqarluni umiarsuarnik saassussisimanissaanik USA pasitsaassaqarpoq.
Amerikami sakkutuut imarsiortut naalagaasa ilaat Joseph Dunford taama nalunaaruteqarpoq.
Iranip Yemenillu imartaani umiarsuit niuernikkut assartuisartut pituttorneqaratik ingerlaarsinnaanissaat kissaatigineqartoq, Dunford oqarpoq.
Umiarsuit uuliamik assartuutit marluk qaammatip siuliani Iranimut illersuisunit saassunneqarsimasut USA-mit pissutigitinneqarput.
