USAmi inuttaasut inersuarnut nillataatunukarsinnaanissaat ammaassiffigineqartoq

USA-p kimmut avannarpasissuani, Canadallu kimmut kujasissuani aatsaat taama kiatsiginissaatigisarnissaa ilimagineqarpoq.
Oregonimi oqartussat illoqarfissuarmi Portlandimi inersuarnik nillataartunik pingasunik ammaaniarput. Assi © : Nathan Howard/AFP/Ritzau Scanpix
Allattoq Ritzau
juunip 28-at 2021 08:50
Nutserisoq Mads Lynge

USA-mi naalagaaffinni assigiinngitsuni ulluni makkunani kiattorujussuuvoq, innuttaasullu inersuarnut nillataartunukarsinnaanissaat oqartussat maanna ammaassifigaat.

USA-p kimmut avannarpasissuani, Canadallu kimmut kujasissuani Pacific Northwestimi ukioq manna aasaanerani pisarnermit kianneruvoq, 40-t gradit missaannik kialluni.

Naalagaaffinni Oregonimi Washingtonimmilu, Canadamilu nunap immikkoortuani British Columbiami ulluni makkunani kiangaatsiarpoq.

Oregonimi oqartussat illoqarfissuarmi Portlandimi inersuarnik nillataartunik pingasunik ammaaniarput.

Inersuarnik nilltaartunik Californiami Pacific Nortwestimilu sumiiffinni allani aamma ammaasoqarpoq.

USA-p kimmut avannarpasissortaani, Canadallu kimmut kujasissortaani naqitsunertufferujussuit pissutaallutik tamaani ulluni makkunani kiangaatsiarpoq. USA-mi silasiorfik National Weather Service taama ilisimatitsivoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk