USAmi ilinniartoq: Inuit pissangaqaat

Barack Obama USAp præsidentiisa 44-ssaattut ullumi nalunaaqutaq marlunut ivertinneqarpat, 17-inik ukiulik Nuummeersoq, Maria-Dorthea Bendtsen, malinnaasunut ilaassaaq.
januaarip 20-at 2009 06:57

Taanna AFS aqqutigalugu Indianapolisimi atuarpoq, Obamallu illoqarfianut, Chicagomut, avannamut kangimut 260 kilometerinik ungasitsigisumut, qanittukkut alakkaaqqammerpoq.

- Inuit Barack Obamap præsidentitut ivertinneqarnissaanut pissangapput. Atuarfitsinni atuarnitta nalaani malinnaassamaarpugut. Inuit naapittakkama George W. Buship præsidentiujunnaalernera nuannaarutigeqaat.

Barack Obamap meeqqat ilinniagaqarnissaat salliutissagaa, inuusuttut Maria Dorthea Bendtsenip oqaatigaa.