USAmi eskimo, negerit kangiamiullu atorunnaarput
USAmi taaguutit kangiamiut negerit eskimolu inatsisitigut atorunnaarsinneqarput.
Amerikamiut præsidentiata Barack Obamap taaguutit taakkua marluk USA-mi naalagaaffinni tamani atorneqarunnaarneqarnissaannut inatsit tallimanngormat atsiorpaa.
USAmi kongressemi ilaasortat illuatungeriit tamarmik aalajangiinermut akerliunngillat, taaguutit taakkua marluk nikaassaanertut nipeqartut peerneqarnissaannik siunnersuuteqarnermi akerliusoqanngivilluni.
Inatsisip allanngortinneqarneratigut taaguutit kangiamiut orientalimik tagoorneqarnerat atorunnaarpoq kangiamiunit kingoqqusut amerikamiunik taaguuteqalerlutik aamma negro negerinik taaguut afrikamiunit kingoqqisut amerikamiut ,African Americanimik taaguuteqalerlutik.
Aamma taaguutit nutaanngilisut atorunnaarput tassalu taaguut eskimo atorunnaarluni Alaskami nunap inoqqaavinik taaguuteqalerput, aviisi Politiken taama allaaserisaqarpoq. Taaguut Eskimo Alaskami nunap inoqqaavinut tunngatinneqartarpoq.
Taaguutit nutaanngilisut atorunnaarsinneqarnissaannik USA-mi oqallinneq pileruttortoq danmarkimi oqallinneq aamma aallartippoq, Søren Espersen Dansk Folkepartiineersoq Folketingemi nunanut allanut tunngasunut ataatsimiiititaliami ilaasortaanermigut USA-mut angalanissani taamaatikkamiuk.
Oqallinneq aallartippoq qarasaasiakkut attaveqatigiittarfimmi tweetimi socialdemokraatit EU-mi ilaasortaatitaa Jeppe Kofoed allammat, Espersenip USAp præsidentia niggeritut taasimammagu, taamaattumillu USA-mut angalanissani taamatissimagaa, USA-mukaruni oqallisigineqarpallaassammat.