USA tigusanik naalliutsitsisarsimaneragaavoq

Naalagaaffiit Peqatigiit suleqatigiissitaliaata nalunaarusiaani tigusanik naalliutsissarsimaneragaaneq USA-mit nassuiaasersorniarneqalerpoq.

USA-p naalakkersuinermi, aqutsinermilu akimanertatik Schweitziliaatippai. Naalagaaffiit Peqatigiivisa nalunaarusiaat nassuiaateqarfigisussaassavaat.

Nassuiaassutigeqquneqarpoq sooq USA isertortunik parnaarussiviliortitersimanersoq; tigusallu killisiorneqarneranni malittarisassaqarnersut. Tusarniaanermi paaserusunneqarportaaq tigusanik naalliutsisarsimanerit USA-p naalagaaffiata oqartussaaffigerusunnerai, taamaassappallu kikkut akisussaanersut.

USA-p aallartitaasa ilaat oqaluttuarpoq naalliutsitsisarsimanernut pasilliutit naalakkersuisumik ajortumik isigineqaatigilersimagaat.

Nalunaarusiortuupput apeqqummut tassunga tunngasunik immikkut ilisimasallit nunanit assigiinngitsuneersut qulit.

Tigusanik naalliutsitsisoqarsimaneranik nalunaarusiap tusarniaaviginera ullumi aallartippoq, ataasinngorpallu nanginneqassalluni. Nalunaarusiamillu inerniliineq maajip ulluisa 19-ianni saqqummiunneqassaaq.