USA Talibaninit siorasaarneqarpoq
USA-p sakkutuuliussaminik Afghanistanimi 30.000-inik aappaagu aasartinnagu ilasinissaa Afghanistanip naalakkersuisuisa ippassaq akueraat.
Allattoq Najaaraq Egede
USA-p peqqarniisaarnianik Talibaninut akiuiniarnini taamaalilluni sakkortusiniarpaa.
Islaminik upperisallit sorsukkumatuut USA-p sakkutuuisa amerlinissaat tusarlugu siorasaarilerput.
- Amerikamiut nunatsinnit anisissaqqaarpagut, soorlu Sovjetunioniusimasup sakkutuui 1980-ikkunni Afghanistanimit anisikkigut, Talibanit oqaaseqartitaat oqarpoq..
USA-p Afghanistanimi sakkutuuliussani 20-30.000-inik ilallugit aasartinnagu marloriaatinngortissagai, Amerikami illersornissaqarfimmi pisortap, admiral Mike Mullen-ip ippassaq nalunaarutigaa.