USA silap pissusiata allangoriartorneranut iliuusissanut isumaqataanngitsoq
Nunani silarsuarmi aningaasarsiornerpaani 20-ni, G-20-nik taaneqartartuni, aningaasanut ministerit niuernermut killilersugaanngitsumut silallu pissusiata allanngoriartorneranut akiuunnermut isumaqatigiissinnaanngillat.
- Silap pissusiata allanngoriartornerata akiorneqarnera amerikamiunut aningaasaajaataannartut isigaarput, Trumpip missingersuutaanik aqutsisoq, Mick Mulvaney siornatigut oqarpoq.
Allattoq Karsten Sommer
marsip 19-at 2017 17:52
Nutserisoq Ivik Kristiansen
Nunat G-20-nik taaneqartartut Tysklandimi illoqarfimmi Baden-Badenimi ataatsimiinnerannit naggammik nalunaarummi tamanna atuarneqarsinnaavoq.
Frankrigip aningaasanut ministeriata, Michel Sapinip, ataatsimiinnerup inernera ajuusaarnartorujussuunerarpaa.
Donald Trump USA-mi præsidentinngormalli nunat G-20-nik taaneqartartut siullerpaamik ataatsimiipput.
- Silap pissusiata allanngoriartornerata akiorneqarnera amerikamiunut aningaasaajaataannartut isigaarput, Trumpip missingersuutaanik aqutsisoq, Mick Mulvaney siornatigut oqarpoq.
Nunat G-20-nik taaneqartartut siuttui Hambugimi julip aallartinnerani ataatsimeersuassapput.
Tassanilu Trump peqataassaaq.
