Rusland qunusaarinerminik pimoorussiniinnassappat Ukrainemiunut sakkutigut tapersiiumaarlutik Blinken Ukrainemut neriorsuivoq.Assi: Pool/Reuters/Ritzau Scanpix

USA russit Ukrainemut saassussigaluarpata Ukrainemut sakkutigut tapersiiniartoq

USA-p nunanut allanut ministeriata russinik tallimanngornermi ataatsimeeqateqannginnermini Ukrainimi siuttut ataatsimeeqatigai.

Amerikamiut nunanut allanut ministeriat Antony Blinken sisamanngormat Ukrainemut tikeraarnermini Ruslandimut aarlerisaarivoq, russit nunamut sanilerisaminnut saassussissagaluarunik tamanna `kingunerlorujussuarsinnaasoq.

Tassami Russit sakkutuuminnik 100.000-nik amerlassusilinnik maanna Ukrainep killeqarfianiititsipput.

Tamannalu toqqissisimajunnaartitsivoq.

AAMMA ATUARUK Ruslandip Ukrainimut isernissaat USA-p aarleqqutigigaa

Rusland qunusaarinerminik pimoorussiniinnassappat Ukrainemiunut sakkutigut tapersiiumaarlutik Blinkeni Ukrainemut neriorsuivoq,

- Neriuppunga taamaattoqassanngitsoq, kisianni taama pisoqassagaluarpat sakkortuumik iliuuseqartariaqarpugut tamatumalu kingunerinik Rusland misigitinneqassaaq, taanna taama issuarneqarpoq.

Blinken Ukrainemi tikeraarnermini Ukrainep præsidentia Volodimir Zelenskij aammalu nunanut allanut ministeriat Dmitro Kuleba ataatsimeeqatigai.

Oqaatigineqarporlu tallimanngorpat russit nunanut allanut ministeriat Sergej Lavrov Schweizip illoqarfiisa ilaanni Genevemi naapissagaa.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl