USA pinerliiniartoqarsinnaaneranik mianersoqqusivoq

Amerikamiusut innuttaassuseqartut Europamiittut pinerlineqarsinnaanerat pillugu USA mianersoqqussummik ullumi nalunaaruteqarpoq.
Allattoq Jaaku Lyberth
oktobarip 03-at 2010 15:11

USA taamatut nalunaaruteqarnermigut amerikamiut pisunut nakkutiginninnginnerannut takussutissaasoq, pinerliiniartarnerit pillugit immikkut ilisimasalik Magnus Ranstorp svenskiusoq taamatut naliliivoq.

USA-p taamatut mianersoqqussummik nalunaaruteqarnera immikkut illuinnartuuvoq.

Nalinginnaanngitsunik iliuuseqartoqarsimaneranik amerikamiut paasisaqarsimanerannik tamanna takussutissaasinnaavoq, pissutsinnik nakkutiginninngitsutut misigisimagamik Magnus Ranstorp nutaarsiassaqartitsivimmi ritzaumi taamatut issuarneqarpoq.

USA pinerliiniartoqarsinnaaneranik mianersoqqussummik kingullermik ukioq 2001-imi nalunaaruteqarmalli aatsaat taamak ilungersunartigisumik nalunaaruteqarpoq.

Amerikamiusut innutaassuseqartut pingaartumik Tuluit Nunaanniittut Frankrig-imiittut Tysklandimiittullu mianersornissaannik nalunaarfigineqarput, taamaattorli Europamiut mianersoqqussisoqarneranut ernumassanngitsut Magnus Ranstorp oqarpoq.

Mianersorneq ajunngitsuuvoq ernumasoqassanngilarli, Magnus Ranstorpoq taamatut oqarsimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq