Joe Biden Barack Obamap præsidentiunerata nalaani præsidentimut tullersortaanermini sakkut pillugit inatsit allanngortiniaraluarpaa, iluatsinnaguli.Assi: Stefani Reynolds/AFP/Ritzau Scanpix

USA pillugu ilisimasaqarluartoq: Sakkut pillugit inatsisip allanngortinnissaa Bidenimut ajornakusuussaaq

USA-mi sakkut pillugit inatsit meeqqat atuarfianni aallaasersortoqareersorlu oqallisigineqaqqippoq. Inatsisilli taassuma allanngortinnissaa ajornakusoorsinnaasoq, USA pillugu ilisimasaqarluartoq oqarpoq.

Amerikami sakkut pillugit inatsisip tunngaviusumik allanngortinneqarnissaanut USA-p præsidentianut Joe Bidenimut ajornakuussusasoq danskit aviisianni aaqissuisoq taama naliliivoq.

Amerikami meeqqat atuarfianni aallaasersortoqareersoq taama naliliisoq tasaavoq USA pillugu ilisimasaqarluartoq aamma tusagassiorfimmi Kongresse.com-imi aaqqisuisuuneq Anders Agner Pedersen.

Amerikamimi sakkulisaarsinnaatitaaneq tunngaviusumik inatsimmit qulakkiigaavoq.

- Sakkut pillugit inatsit tunngaviusumik demokraatit republikanerillu akornanni isumaqatigiinngissutaavoq.

Isumaqatigiinngittoqartuartillugu, Biden annertuumik allannguisitsisinnaanera ajornakusoortorujussuussasoq, Anders Agner Pederseni ritzaumut taama oqarpoq.

AAMMA ATUARUK Joe Bidenip aallaasit assigiinngitsut inerteqqutigilersinniarai

Joe Biden Barack Obamap præsidentiunerata nalaani præsidentimut tullersortaanermini sakkut pillugit inatsit allanngortiniaraluarpaa, iluatsinnaguli.

Amerikami naalagaaffimi Texasimi meeqqat atuarfianni atuartut 19-it sisamat qulingiluallu akornanni ukioqartut aallaasersortoqarnerani toqutaapput.

Angut 18-nik ukiulik toqoraasimasutut pasisaq politiillu aallaasersorneranni toqutaavoq.

USA-p præsidentia Joe Biden pisumut alianartumut attortisimasovq sakkunullu intasisip sukannernerulernissaanik piumasaqarluni.

- 18-nik ukiulik sakkunik niuertarfimmukariarluni aallaasinik marlunnik pisiinnarsinnaammat tamanna kukkuneruvoq, Joe Biden taama oqarpoq

Atuarfimmi aallaasinik toqoraaneq kingulleq ajornerpaarlu pivoq 2012-mi taamani Sandy Hood atuarfimmi atuartunik 28-nik toqoraammat.

Tamatuma kingorna atuarfinni aallaasersornerit, naalagaaffinni Floridami, Texasimi Michiganimillu pipput sulilu amerliartorlutik

- Qatsuppakka iliuuseqartariaarpugut, USA-p præsidentia Joe Biden taama oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl