USA-p sakkutuui Syriamik saassussipput
USA-p sakkutuui Syriamik ippassaq saassussipput, qulimiguullit atorlugit saassussisoqarami. Sakkutuut Syriap killeqarfia qaangerlugu 2003-mili ingerlaartuartarsimapput, aatsaalli qulimiguullit atorneqarlutik.
Allattoq Louise M. Kleemann
Islamisiortut Syriaminngaanniit Irakiliarlutik sorsukkiartartut akiorniarlugit USA saassussivoq, sakkutuujunngitsullu arfineq-pingasut toqutaasimasut Syriami oqartussaasut nalunaarutigaat.
Islamisiortut nunanit allaneersut Syria aqqutigalugu Irakiliartartut Syriamit isiginngitsuusaarneqartartut oqaatigineqartarpoq, Syrialli tamanna ilumuunnginnerarpaa.
USA-p Syriamik saassussinera Danmarkip nunanut allanut ministerianit Per Stig Møllerimit ajuusaarnartinneqarpoq.
USA-p Syriamik saassussisimanera ilumuunngitsoq, USA-p sakkutooqarfiata ullumi nalunaarutigaa.