USA-p sakkutuui Island-imiit anialerput
Amerikamiut sakkutuuisa Islandimiitinneqarnerat unittussanngulersoq, præsident George Bush aalajangerpoq.
Island-imi naalakkersuisut Bush-imit ippassaq taamatut nalunaarfigineqartut, Island-imi TV-kkut tusagassiarineqarpoq.
Taamatut USA-p aalajangernera pissutaalluni timmisartut sorsuutit qulimiguullillu, Islandimiit septembarip qaammataani aniatinneqalissapput.
USA-p sakkutuui 1941-mili Islandimiilerput.
Island-imilu sakkutooqanngimmat Amerikamiut sakkutuuisa Island nakkutigisarisimavaat.
USA-p sivisuumik aalajangerniarsimavoq, Islandimiunillu neriuutigineqarsimagaluarpoq, USA-p qulimiguuliutitik qimaannarumaaraat, taakkuami annaassiniartarnernut atorneqartarput.
USA taamaaliorumasimanngilaq, qulimiguullit nunani allaniittunit sakkutuunit pisariaqartinneqarmata.
