USA-p sakkutooqarnikkut Mexico ikiorserniarlerpaa

Ikiaroornartuerniat akiorniarlugit USA-p Mexicomi sakkutuunik ikiuinini annertusarniarpaa, tassa-mi Mexicop ikiaroornartunik akiuiniarneranut sorsunnera USA-mut siaruaassimalermat.
Allattoq Lotte Holm
marsip 02-at 2009 13:06

Amerikamiut illersornissamut ministeriat Robert Gates oqarpoq Mexicop præsidentia Calderon ikiaroornartuerniat akiorniarlugit 45.000-inik sakkutuuliisimasoq taamaammallu USA-p ikiuinini sakkortusiniarlugu. Ikiaroornartuernialli ilaatigut politiit niaquertarlugit akisimapput.

Mexicomi sakkortusaarnerup USA-mut siaruaannissaa Amerikami oqartussat ernummatigaat. Ikiaroornartuerniat USA-mit sakkussarpassuarnik pisarsimagunarput.

Siorna Mexicomi ikiaroornartuerniat akersuunneranni inuit 6000-t toqutaapput. Ukioq manna ukiup qaammataasa siulliit marluk ingerlanerinnaanni inuit 1000-it sinnillit toqutaasimapput. Pissutsit ima ilungersunartigaat, allaat amerikamiut illersornissamut ministeriat nalunaarusiami allassimalluni Mexicop ajalusoornissaanut ernumanaateqartoq.