USA-p russit sunnerniarpai

Amerikamiut illersornissamut ministereqarfiata maanna sulissutigalugu aallartippaa qaartartunut ungasissumiit igeriuttakkanik USA-p illersuusiorneranik Russit akerlilersuiniarnerat iliuuseqarfiginiarsarilerlugu. Qaartartunut ungasissumiit igeriuttakkanik illersuutit ilaatigut nunatsinni Pituffimmiippoq, Polenimi kiisalu Tjekkiemi.

USA-milu aviisit ilaannit New York Times-imi inuk aterminik isertuussilluni apersorneqarsimasoq issuaavineqarsimavoq. Taanna oqaluttuarpoq, Ruslandi neqeroorfigineqartussaasoq Ruslandip Amerikallu akornanni qaartartunut ungasissumiit igeriuttakkanut illersuusiornernik atassusiinissamut atatillugu.

Aviisimilu allaaaserineqarpoq qaartartunut illersornissap ineriartortinneqarnissaanut atatillugu russit suleqatiserineqassasut, ilaatigut suleqatiserineqassallutik; paasissutissanut tunngatillugu kiisalu russit raadareqarfiliulersaarnerannut atatillugu.

Inuillu nutaarsiassamut tamatumunnga paasissutissiisut naapertorlugit Amerikamiut taama iliulersaarput Europami nunat arlallit taamaalioqqusillutik kaammattuinerat tunngavigalugu.

Qaartartunut ungasissumiit igeriuttakkanut illersornissamut tunngatillugu Ruslandimut iluaqutaasinnaanera russit arlaleriaqalutik qularutigisarsimavaat taamalu aamma isornartorsiuisarsimallutik. USA-li isumaqarpoq, nunat kangia qiterlermiittut tassa USA-p oqariartarneratut nunat inupiloqarfiusut pinerullugit illersornissamut suleqatigiittoqartariaqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat