USA-p Ruslandillu Tibet assigiinngitsumik isumaqarfigaat
Ruslandimi nunanut allanut naalakkersuisoqarfik nalunaarpoq, Tibetimi perulluliornerit naalagaaffiup Kinap iluani pisutut isigigitik, neriullutillu perulluliorniat Kinamiunit unitsinnerqarumaartut. Nalunaarutip ilaani aamma atuarneqarsinnaavoq Kinami Olympiadeqarnissaa politikkikkut atornerlunniarneqarmat akuerineqarsinnaanngitsoq.
Amerkamiulli nunanut allanut ministeriat, Condoleeza Rice oqarpoq, neriulluni Tibetimiut anersaakkut qullersaat, Dalai Lama Kinamiut isumasioqatigissagaat.
- Kinamiut Dalai Lamamik oqaloqatiginnittalernissaat ukiorpaaluit ingerlanerini kaammattuutigisaraluarparput, Condoleeza Rice oqarpoq.
Danskit nunanut allanut ministeriat, Per Stig Møller, Sloveniamiit, maanna EU-mi siulittaasuutitaqartumit aallartitaasoq, Kinamik avoqqaarinnittunut ilaavoq.
Tibetimi naalakkersuisuutitallit, Tibetimi najugaqanngitsut ullumi nalunaarput akerliussutsimik takutitseqattaarnerit minnerpaamik inuit 80-it inuunerannik akeqarsimasut.
