USA-p politikkissaa pillugu Clinton apersorneqaleruttorpoq
Hillary Clinton New Yorkimi senatoriusoq præsidentinngortussap Barack Obamap nunanut allanut ministerissaatut sapaatip-akunnerata ingerlanerani nalilersorneqareeruni akuerineqartussaavoq.
Demokratit USA-mi partiiat sinnerlugu præsidentinngorniunnikut taakku marluk isumaqatigiilluinnarlutik erseqqissaatigisareerpaat, USA-p pissaanilissuartut – nunanut allanut sorsoqattaarluni – piunnaassasoq. Angorusuppaammi nunanut allanut tunngatillugu aaqqiagiinngissutit sorsunnani oqaloqatigiinnikkut qaangerneqartalernissaat. Sakkulersorani akaareqatigiinnissaq Clintonip Obamallu piumaneruaat.
- Senator Clintonip upperaa pissaaneq silatusaartumik atorneqarsinnaasoq, politikkimimi sakkussanik ulikkaarpoq. Taamaammat naalagaaffiit imminnut atassuteqaqatigiinnerisa pitsanngorsarnissaat kisimi aqqutissaavoq, Hillary Clinton oqarsimaneragaavoq, taama nutaarsiassaqartitsivik AFP allaaserinnippoq.
