USA-p Pituffimmik atuinerminut akiliuteqartarnissaa partiit piumasariniaraat

USA-p illersornissaqarfiata Pituffimmi sakkutooqarfeqarnerminnut akiliuteqartalernissaanik Danmarkip piumasqarnissaa assigiinngitsunit kissaatigineqarpoq, Altinget.dk taama allaaserisaqarpoq.

Amerikamiut umiarsuaatileqatigiiffiata Pituffimmut imaatigut assartuisuuginnarnissaanik U.S. Air Forcep aalajangerneratigut taama kissaateqartoqarpoq. Assartuinissamut isumaqatigiissut 150 millionit koruunit sinnerlugit naleqarpoq.

Sakkutooqarfiup ilaata illersornissaqarfimmeersuunngitsunit sullinneqarneranut atatillugu amerikamiut illersornissaqarfiata suliariumannittussarsiuussinerminni amerikamiut suliffiinut suliassanik tunniussisarnera taamaasilluni nangippoq:

- Naammaginanngeqaaq. Taakku imminnuinnaq eqqarsaatipput, nunamilu tikeraartuinnaasutut pissusilersornatik, Enhedslistenip Nunatsinnut tunngasunik oqaaseqartartua, Christian Juhl Altingetimut oqarpoq.

AAMMA ATUARUK Amerikamiut umiarsuaatileqatigiiffiat Pituffimmut isumaqatigiissuteqaqqittoq

USA-p nunaminertamik atuineranut Danmarkip toqqaannartumik akiligassiisalernissani isumaliutigisariaqaraa, Christian Juhl isumaqarpoq. Attartornermit isertitat Kalaallit Nunaannit iluaqutigineqartariaqartut.

Attartornermut akiligassiisalernissamut isumassarsineq danskimit ilisimatuumit taperserneqarpoq.

- Amerikamiut kiffartuussinermut isumaqatigiissuteqarnikkut Kalaallit Nunaannut taarsiissuteqartarunnaarpata taava ima ilisimatitsinissaq pitsaasorujussuussaaq: Arlaatigut taarsiissariaqarpusi, Illersornissaq pillugu ilisimatusarfimmi lektori, Jon Rahbek-Clemmensen Altingetimut oqarpoq.

- USA-p nammineq inissisimaffini qajannarsisippaa, sakkutooqarfeqarneq Danmarkimut Kalaallit Nunaannullu soqutiginartuunngippat, taava sooq taanna tamaaniissanersoq, danskit politikeriinut apeqqusiisitsimmat, Jon Rahbek-Clemmensen oqarpoq.

AAMMA ATUARUK RAL-ip issittumi assartuussinissamut neqeroorutaa amigaatilik

Enhedslistenilli Dansk Folkepartimit taperserneqarnissaa USA-p ernumassutigissanngilaa.

- Oqaasissaqartilluta taamaattoqarnavianngilaq. Kalaallit Nunaatali USA-mit akiligassitannginnini nuannaarutigisorujussuusariaqarpaa Dansk Folkepartiip Nunatsinnut tunngasunik oqaaseqartartua, Søren Espersen Altingetimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat