USA-p nunatsinni mittarfinnut aningaasalersuinissamut periarfissat misissorniarai

Nunatsinni innuttaasut amerikamiullu illersornissakkut iluaqutigisinnaasaannik amerikamiut nunatsinni mittarfinnut aningaasalersuinissamut periarfissanik misissuiniarput.

Amerikamiut illersornissamut ministereqarfiat anguniagassatut nalunaarummi, ministereqarfiup ullumi ataasinngornermi Twitterikkut saqqummersitaani taama ilisimatitsivoq.

Amerikamiullu anguniagassatut nalunaarutaat Nunanut allanut naalakkersuisup Vivian Motzfeldtip ima oqaaseqarfigaa:

- Amerikamiut anguniagassatut nalunaarutaat ilassilluarparput amerikamiullu mittarfinnut tunngassuteqartumik aningaasalersuisinnaanerisa immikkuualuttortaasa oqaluuserinissaat qilanaaralutigu. Oqaloqatigiinnerit tamanut ilaqutissartaqarnissaannut qulakkeerinnissinnaasut Naalakkersuisut pingaartippaat. Amerikamiut anguniagassatut nalunaarutaat tamatumunnga atatillugu pitsaasutut isigaarput, ilinniartitaanermut, kultureqarnermut, ilageeqarnermut nunanullu allanut naalakkersuisoq Vivian Motzfeldt oqarpoq.  

AAMMA ATUARUK Danskit aningaasaliissuteqarnerat Kinamut tunngassuteqarpoq

Mittarfiit sorlerpiaat aningaasalersorniarneqarnersut amerikamiullu aningaasanik qanoq amerlatigisunik aningaasaliissuteqarniarnersut anguniagassatut nalunaarummi oqaatigineqanngilaq.

- Assersuutigalugu Kalaallit Nunaanni mittarfeqarnermut atatillugu suliniutinut pilersaarusiornermut tunngasutigut aningaasalersuinissamut naleqqussinnaasut USA-p illersornissamut ministereqarfiata misissoqqissaarniarpai, suliniutit inuinnarnut sakkutooqarnikkullu siunertallit ilanngullugit, nalunaarummi tamanna atuarneqarsinnaavoq.

Danskit ministeriunerata Lars Løkke Rasmussenip Danmarkip nunatsinni mittarfinnut 1,6 milliardit koruuninik aningaasaleeqataasinnaanera pillugu Nuummi isumaqatigiissuteqarneranit sapaatit akunnerat qaangiutiinnartoq taama nalunaaruteqartoqarpoq.

AAMMA ATUARUK Løkke Nuummi Ilulissanilu mittarfinnik piginneqataarusuttoq

Amerikamiut illersornissamut ministereqarfiata erseqqissaatigaa anguniagassatut nalunaarutigineqartoq inatsisitigut pituttuinngitsoq isumaqatigiissutaareersullu taarserneqanngitsut.

Amerikamiut anguniagassatut nalunaaruteqarnermut aningaasalersuisinnaanermullu tunngavilersuuteqarnerminni Issittumi sillimaniarnikkut inissisimanerup allanngorneranut tunngatillugu USA-p sakkutooqarnikkut periarfissaatigut nakkutilliineratigullu pitsanngorsaataasinnaanera innersuussutigaat.

- Nunarsuarmi pisut eqqarsaatigalugit Issittup nunarsuarmi aningaasaqarnikkut nunarsuullu immikkoortuani sillimaniarnikkut pingaaruteqaleriartuinnarnera USA-mit ilisimaneqarpoq, nalunaarummi tamanna atuarneqarsinnaavoq.

Anguniagassatut nalunaarut:

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat