USA-p naalakkersuisui ajornartorsiorput

USA-mi isertortumik paasiniaasartoqatigiit nalunaarusiaat isertuussaq saqqummiunneqarmat naalakkersuisut ajornartorsiulerput.

Præsident Buship peqqarniiserniartartunut sorsunnera akerlilerlugulusooq nalunaarusiaq isertuullugu allanneqarsimavoq.

USA-p Irakimi sakkutuuleereersorlu peqqarniiserniartartut sakkortusigaluttuinnarsimasut nalunaarusiami allaaserineqarpoq.

USA-mi isertortumik paasiniaasartoqatigiit 16-t kattullutik ajortitsiniaallutik nalunaarusiorsimanngillat. Nalunaarusiami allaqqavoq USA-p Irakimi sakkutuuleereersorlu muuamaakkut ingasattajaarniat sakkortusisimasut septembarillu aqqarngata kingorna USA-p peqqarniiserfigineqaqqinnissaa qaninnerulersimasoq.

Atuakkiaq præsident Buship oqarneranut akerliulluinnarpoq, inatsisartunullu novembarimi qinersinissami Bush innarlerneqarsinnaalerpoq.

Buship tulliatalu naalakkersuisunngoqqammillutik isertortumik paasiniaasartoqatigiit, pingaartumik CIA tatiginngitsorujussuuvaat. Paasiniaasartoqatigiinni sulisut præsidentip tulliata kissaatai malilluinnarlugit nalunaarusiortinneqartarsimapput. Tamanna pillugu paasiniaasartoqatigiit ilaata tusagassiutit aqqutigalugit ikioqqusimanissaa ilimagineqarpoq.

Nalunaarusiaq illuatungiliuttut sakkussamittut atulereerpaat, naalakkersuisooqatigiillu ataniartorujussuanngorput.