USA-p kujasissuani inuit arfinillit ulussaarsuarnerani ajunaartut
Ulussaarsuaq Zeta USA-p kujasissuanut anngummat inuit arfinilinnit ikinnerunngitsut ajunaarput.
Nutaarsiassaqartitsivik dpa taama allappoq.
Ulussaarsuaq Zeta ulussaarsuarnut uuttuut malillugu 2-tut sakkortussuseqartoq naalagaaffimmut Louisianamut nalunaaquttap akunneranut 175 kilometeritut sakkortutitagaluni sisamanngornerup unnuaani annguppoq.
Amerikami naagaaffinni Louisianami, Alabamami, Mississippimi, Georgiami, North Carolinami South Carolinamilu inuit 2 millioninit amerlanerusut innaallagiaarupput.
AAMMA ATUARUK Louisiana ukiut kingulliit 100-t ingerlaneranni aatsaat taama sakkortutigisumik anorersuartoq
Guvernørit ulussaarsuarnera peqqutigalugu sukannersumik naalakkersuisoqassasoq nalunaarutigisariaqarsimavaat, USA-llu præsidentiata Donald Trumpip North Carolinami pilersaarutit malillugit sisamanngornermi qineqqusaarnissaraluani kinguartittariaqarsimallugu.
USA-p kujasissuani naalagaaffiup Louisianap sineriaata eqqaani aseruatiterujussuartoqarpoq. Tassani angut qupinnguallalluni ajunaarpoq. Illut qaliaat teqqaasimapput qarsutsineqarlunilu.
Ulussaarsuup sisamanngornermi unnukkut sakkukillinerani anorikilliartorpoq.