Assi: Inspektionskutteren Tulugaq

Tusagassiorfik: USA-p Kinallu Nunatsinneeqatigiinnissaat Løkkep annilaangagaa

Naalagaaffiit pissaanilissuit marluk USAp Kinallu ataatsikkut Kalaallit Nunaanniinnissaat annilaangangingamiuk siorna Lars Løkke Rasmussenip kinamiut suliffeqarfiutaat Kangilinnguanik pisiniaraluartoq itigartissimavaa.

Suliamik ilisimannittut nunat tamalaat akornanni nutaarsiassaqartitsivimmut Reutersimut taama uppernarsaapput.

Illersornissaqarfiup ukiuni arlalinni Kangilinnguit tuniniaraluariarlugit decembari qaammataagaa nalunaarpoq Kangilinnguit ataqatigiissaarinermi tapertarut ammaqqinniarlugu.

AAMMA ATUARUK Kangilinnguit pisariaqartipparput

Ammaqqinnissaannulli ersissutaasoq tassaasimavoq kinamiut suliffeqarfiutaata General Nice Groupip Kangilinnguit pisiarissappassuk Kinap Kalaallit Nunaanniinnermini sunniuteqalersinnaanera. Suliffeqarfik taanna siorna aasakkut danskit oqartussaasuinut saaffiginnippoq Kangilinnguani aningaasaliinissaq soqutigalugu.

Danmarkip iligisaani qaninnerpaap USAp aamma Kalaallit Nunaanniinnerata kinguneranik sillimaniarnermi politikki eqqarsaatigalugu nalorninartorsiortitsilersinnaammat Løkke taama aalajangersimasoq tusarfik oqarpoq.

AAMMA ATUARUK  Kinamiut suliffeqarfiutaata Kangilinnguaniinnissaa ernumanartortaqartoq

- Kialuunniit takusinnaasariaqarpaa pissaanilissuit marluk Danmarkip Kalaallit Nunaanniitissinnaanngikkai. Aamma isumaqarpunga USAp tamanna nuannarinavianngikkaa.

Avatangiisinut naalakkersuisup Suka K. Frederiksenip Namminersorlutik Oqartussat kinamiut Kangilinnguanik soqutiginninnerannik ilisimatinneqarsimanngitsut oqaatigeqqaaraluarpaa.

Kingusinnerusukkulli nassuerutigaa ilisimatinneqarsimasut. Aatsaallu nassuerluni Namminersorlutik Oqartussanut Illersornissaqarfiup paasissutissaatai KNR-ip qulaarmagit.

Kangilinnguit ammaqqinneqarnissaat pillugu Løkkep siunnersuutaa Foketingimi amerlanerussuteqartunit aasaq taperserneqarpoq. Taama aalajangernermi kalaallit politikerii akuutinneqanngillat.

AAMMA ATUARUK Selvstyret kendte til Grønnedal-åbning

AAMMA ATUARUK Kalaallinik isumaqatiginninniarnernut qaaqqusinnginneq ileqqupalaajuvoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat