USA-p Kinallu niuernikkut anneruniunnerat pigaluttuinartoq

Akitsuutit nutaat sapaatip-akunnerata tulliani ingerlanerani atuutilersinneqassapput.

Akitsuutit pillugit USA-p Kinamik saqitsaassuteqarneranik mianersoqqussutit præsident Donald Trumpip taamaasilluni soqutiginngilai.

Kina niueqatigiinnermi USA-mut naapertuilluanngitsuliortoq, Trumpip oqaatigaa, USA-p nunaateqarnerata suliffissuaqarneratalu eqqorneqarnerat oqaatigalugu.

Kinap akiniaalluni USA-mit nioqqutissanut nutaanik akitsuusersuinissaa Trumpip tassunga atatillugu mianersoqqussutigaa.

Kina USA-p nunaateqarnermi suliffissuaqarnermilu nioqqutissaanik nutaanik akitsuusersuilissappat USA-p akiniaaqqikkumaarnera Donald Trumpip sioorasaarutigaa, tamatumuuna 267 milliardit dollarit nalinginut, tassa 1700 milliardit koruunit missaasa nalinginut Kinamit nioqqutissanut akitsuusersuiniarluni.

- Niueqatigiinnermi pissutsit maanna atuuttut uannit Kinallu præsidentianik Xi Jonpingimit piaarnerpaamik aaqqiivigineqarumaartut neriuutigaara, Kinammi præsidentia ataqqisorujussuuara, Donald Trump oqarpoq.

USA nioqqutissanut Kinameersunut 50 milliardit dollarit nalinginut 25 prcentinik ukioq manna siusinnerusukkut akitsuusersuilerpoq. Kina erngertumik assinganik nioqqutissanut USA-meersunut akiniaalluni akitsuusersuilerpoq.