USA-p Israelillu palæstinamiunik isumaqatiginninniarnissaq kissaatigaat

Palæstinamiut eqqisseqatigiinnissamik isumaqatigiinniaqatiginerisa unittooqqasut nangeqqinnissaat USA-mi præsidentip Barack Obamap aamma Israelimi ministeriunerup, Benjamin Netanyahup, kissaatigaat.
juulip 07-at 2010 05:51

Juutit nunasisut najugaqarfiisa annertusarneqarnerat septembarimi unitsinneqartinnagu Israelip palæstinamiunik isumaqatigiinniarnerata aallarteqqinnissaa Obamap neriuutigaa.

Barack Obamap Israelip ministeriunera præsidentip Illorsuani ullumi ataatsimeeqatigeeraalu nalunaarut tutsiuppoq. Palæstinamiut isumaqatigiinniaqatiginissaat Netanyahup pisariaqarluinnarsoraa.

Isumaqatigiinniarnerit palæstinamiut 2008-mi decembarimi unitsippaat, palæstinamiut sakkulersorlutik akiuuttut suleqatigiiffiat, Hamasikkut, nunaminertami Gazamiittut, israelimiut saassummatigik, sunaaffa ullunik 22-nik sivisussuseqartussamik, tassa Hamasikkormiut raketinik Israelimut saassussinerat unitsinniarlugu.

Præsidentip Illorsuani ataatsimeersuarnermi misilinneqartoq tassaavoq, USA-p Israelillu akornanni suli najummassimanartorsiortoqarnersoq, imaluunniit tamanna qaangiussimanersoq.

Benjamin Netanyahu Washingtonimut marsimi tikeraarnerminut naleqqiullugu kissalaarnerujussuarmik ullumi tikilluaqquneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq